Исақова Сабира Сағынбекқызы

Исақова Сабира Сағынбекқызы – филология ғылымының докторы, профессор. 1972 жылы Жамбыл облысы, Т.Рысқұлов ауданында туған. 1995 жылы Қазақ мемлекеттік халықаралық қатынастар және әлем тілдері университетінің француз факультетін француз және орыс тілдері мамандығы бойынша аяқтаған. 1994-1995 жылдары Францияның Рен 2 университетінде тілдік тәлімгерліктен өткен. 1995-2002 жылдары Қазақ мемлекеттік халықаралық қатынастар және әлем тілдері университетінде оқытушылық қызмет атқарған. 1996-1998 жылдары аталған университеттің аспирантурасында білім алған. 2002-2009 жылдары С.Бәйішев атындағы Ақтөбе университетінде кафедра меңгерушісі қызметін атқарған. 2010 жылдан бастап Қ.Жұбанов атындағы Ақтөбе өңірлік мемлекеттік университетінің теориялық және қолданбалы тіл білімі кафедрасының профессоры қызметін атқарады. Қазақстан Республикасы Білім және Ғылым Министрлігінің Мақтау грамотасымен марапатталған (2009 ж). 2012 жылдан бастап Ресейдің лингвист-когнитологтар ассоциациясының мүшесі. Қазақстан Республикасы Білім және Ғылым Министрлігінің «2013 жылдың ЖОО-ның Үздік оқытушысы» мемлекеттік грантының иегері.

Ғылыми бағыттары – лексикология, терминология, салыстырмалы, салғастырмалы тіл білімі, когнитивтік тіл білімі, қазақ терминтанымының когнитивтік-прагматикалық аспектісі. 90-нен астам еңбектің, оның ішінде 3 монография, 5 оқу құралы, 3 электронды оқулықтың, 3 сөздіктің авторы. Ғылыми еңбектері шетелдік Web of science (3) және Scopus (3) базаларында жарыққа шыққан. Скопус базасы бойынша h=2.