Termınjasam barysynda jańa sózderdi ǵylymı ortada talqylaý mańyzdy. Búgingi tańda bıznes salasy qarqyndy damyp, jańa ekonomıkalyq uǵymdar men termınder kún saıyn paıda bolyp otyr. Osyǵan baılanysty qazaq tiline aǵylshyn jáne Tolyǵyraq ...orys tilderinen kóptegen bıznes termınderi enýde. Alaıda olardyń bir bóligi qazaq tiline tolyq beıimdelmeı, sol kúıinde qoldanylyp júr. Keıbir termınderdiń qazaqsha balamalary bolǵanymen, olar keń qoldanysqa túspegen nemese birizdi túrde qoldanylmaıdy. Bul jaǵdaı keıde til mádenıetine de áser etip, kásibı ortada termınderdiń ártúrli nusqada qoldanylýyna ákeledi.
Meniń birinshi usynym - aksıa sózi. Bul sóz (nıder. aktie , nem. Aktie, lat. aktiú - qaramaǵyna berý, ruqsat berý) degen maǵynany beredi. Bıznes jáne qarjy salasynda qoldanylatyn «aksıa» termıni kóbine orys tilindegi nusqasynda qoldanylyp keledi. Alaıda qazaq tiliniń termınjasam qaǵıdalaryna sáıkes bul sózge balama retinde «úles qaǵazy» degen ataýdy qoldaný oryndy dep esepteımin. Sebebi aksıa – belgili bir kompanıanyń kapıtalyna ıelik etýdi bildiretin, ıaǵnı sol uıymdaǵy belgili bir úlesti kórsetetin baǵaly qaǵaz. Sondyqtan «úles qaǵazy» ataýy osy uǵymnyń maǵynasyn qazaq tilinde naqty ári túsinikti jetkizedi.
Kelesi bul - promoýshn sózi. Meniń oıymsha, «promoýshn» sózin «ilgeriletý» nemese «jarnamalyq ilgeriletý» dep qoldaný oryndy. Sebebi bul ataý ónimdi naryqta tanystyrý, onyń satylymyn arttyrý jáne tutynýshylardyń nazaryn aýdarý sıaqty negizgi maǵynalardy dál jetkizedi. Sonymen qatar «ilgeriletý» sózi qazaq tiliniń sózdik qoryna jaqyn ári túsinikti.
Kelesi target sózi. Meniń oıymsha, «target» sózin qazaq tilinde «maqsatty aýdıtorıa» nemese «nysanaly aýdıtorıa» dep qoldanýǵa bolady. Sebebi bul termın jarnamanyń belgili bir topqa, ıaǵnı jas ereksheligine, qyzyǵýshylyǵyna nemese áleýmettik jaǵdaıyna qaraı baǵyttalýyn bildiredi. Sondyqtan «maqsatty aýdıtorıa» ataýy osy uǵymnyń mazmunyn qazaq tilinde naqty ári túsinikti jetkizedi.
Targetırovanıe – targetteý
Derekkóz: Qazaqstan Respýblıkasy Úkimetiniń janyndaǵy Respýblıkalyq termınologıa komısıasynyń búleteni. Termınologıalyq habarshy, №1 (56) 2019.
S.Iteǵulova, S.Jaılaý, O.Maqsut, A.Qojahmet, A.Álaıdar, T.Kenjebekuly qurastyrǵan Jarnama tiliniń termınder sózdigi boıynsha:
Naýqan orys. promoýshn (aǵylsh. promotion «qyzmet boıynsha jyljytý») – 1. qoldaý; patronaj; 2. taýardy tutynýshyǵa taratýǵa, satýǵa, jyljytýǵa, Tolyǵyraq ...ótkizýge, shyǵarmashylyq tabysqa yqpal etý.
İlgeriletý orys. promoýshn – taýarlar men qyzmetterdi naryqqa ilgeriletý boıynsha jarnama, jarnamalyq naýqan, jarnamalyq-nasıhattaý qyzmeti.